COMETES

I.

COMETES

fil. Orestis, frater Tisamenis et Pentbili.

II.

COMETES

pater Asterionis, unus ex Argonautis, Val. Flaccus, l. 1. v. 355.

----- Celer Asterion, quem matre carentem

Cristatus geminô fovit pater amne Cometes,

Segnior Apidani vires ubi sentit Enipeus.

Ubi ad verbum fere, ut solet, expressit Apollonium, l. 1. Sic enim ille:

Η῎λυθε δ᾿ Α᾿ςερίων αὐτοχεδὸν, ὅν ῥα Κομήτης

Γείνατο δινήεντος ἐφ᾿ ὕδασιν Α᾿πιδανοῖο.

Quod autem cristatum vocat Cometem Flaccus, adlusum est ad nomen Cometae. Nam (ut ait Plin. l. 2. c. 25.) Cometas Graeci vocant, nostri crinitas, hoc est, horrentes crine sanguineô. Haud abs re forsan fuerit hîc notare, quae de Cometarum praesagiis antiqui tradidêre, adeo ut in Proverbium abierit Senatius iste,

Ο᾿υδεὶς Κομήτης ὅςις οὐ κακὸν φέρει.

Nil enim Poetis praecipue magis persuasum est, quam cometas denuntiare magna mala. Virg. l. 1. Georg. v. 488.

Non alias caelô ceciderunt plura serenô

Fulgura, nec diri toties arsêre Cometae.

Tibullus, l. 2. El. 5. v. 71.

Haec fore dixerunt belli mala signa Cometen

Lucan. l. 1. v. 529.

----- Terris mutantem regna Cometem.

Stat. l. 1. Theb. v. 708.

----- Mutant quae sceptra Cometae.

Silius, l. 1. v. 461.

Crine ut flammifero terret fera regna Cometes

Sanguineum spargens ignem, vomit atra rubentes

Fax caelô radios, et saevâ luce coruscum

Scintillat sidus, terrisque extrema minatur.

Et l. 8. v. 638.

----- Non unus crine coruscô

Reguorum eversor rubunt letale Cometes.

Val. Flaccus, l. 6. v. 608.

----- Iratoque vocati

Ab Iove fatales ad regna iniusta Cometae.

Claudian. l. de bello Getico, v. 243.

Et numquam caelô spectatum impune Cometem.

Et in Epigr. 5. de Magnete, v. 4.

Non frustra visi ferali crine Cometae.

Ac de Raptu Proserp. l. 1. v. 232.

----- Augurium, qualis laturus iniquum

Praepes sanguineô dilabitur igne Cometes,

Prodigiale rubens, non illum navita tuto,

Non impune vident populi, sed crine minaci

Nuntiat aut ratibus ventos, aut urbibus hostes.

Nic. Lloydius.